Appaqarfinni kisitsisarnerit

Pinngortitaleriffiup naafferartumik nunatsinni appaqarfiit kisitsiffigisarpai. Appaqarfiit ilai ilaminnit akulikinnerusumik kisinneqartarput, appaqassuseq aallaavigalugu qanoq akulikitsigisumik kisitsisoqartarnissaaaalajangerneqartarmat. Appaqarfiit qanoq assigiinngiiaartigineri uani takussutissiaraagut. Ataani sumiiffiit tuuginnassavatit:

 

mEDLEMRUM

EDLEMRUM

 

 

MELLEMRUM

MELLEMRUM

MEDLEMRUM

MEDLEMRUM

MEDLEMRUM

MEDLEMRUM

Kisitseriaatsit

Appaqarfinni assit atorlugit kisitsisoqartarpoq. Assiliinerulli nalaani appat qassit mitsimanersut kisiisa assilisarmagit, saniatigut 24 tiimit iluani akunnerit tamaasa piaqqiornerup nalaani appaqassuseq malinnaaffiginiarlugu assiliissummik inissiisoqarnikuuvoq. Taamaaliornikkut akunnerit 24-t ingerlanerini appat amerlassusaasa nikerarnerat alaatsinaanneqarsinnaalerpoq. Ilisimalikkallu naapertorlugit appaqassuseq kisitsisitigut nalimmassarneqarsinnaalertarpoq. Periuserineqartumi appaqassutsip allanngorarnera qularnaatsumik malinnaaffigineqarsinnaalertarpoq.

Assilisat atorlugit piaqqiortarnerit, qanga piaqqiorfimmut apuussimaneq, manniliornerit piaqqiornerullu sivisussusaa oqaatigineqarsinnaalertarput.

 

 

 

Sooq piaqqisartut kisinneqassappat?

Piaqqiorfiup nalaani appat manniliortarfimminni katersuuttarput. Piaqqisartut tamarmik ukiut tamaasa nammineq tukerfigisimasaminnut utertarput. Taamaattumik nunatsinni appat piaqqiorfiini piaqqiortartut qanoq inissisimanerinik takussutissiilluartarput. Piffissami piaqqiorfiunngiffimmi appat imaani appaqarfinnit assigiinngitsuneersut akulerussuuttarput, aamma nunanit allaneersut akuusaramik. Taamaattumik piffissami tassani appat kisinnissaat iluaqutaavallaarneq ajorpoq.

 

 

Sivisusarpoq

Appat aatsaat ukiuni sisamani tallimaniluunniituumareeraangamik piaqqiorsinnaanngortarput, ukiumullu ataasiinnarmik piaqqisarlutik. Tamaattumik appaqarfimmi appat ikilisimatillugit amerleqqinnissaat sivisusarpoq. Appaqarfissuit amerlipallassinnaasarput avatangiisiminni atugassarititaasut pitsaagaangata.  Qaanaap eqqaani Appat assersuutitut  takusinnaavatit.

 

 

 

Akorngusersuinerit

Appat piaqqiorfimmi eqqissisimatinneqarnissaat pisariaqarpoq. Angutiviaq arnaviarlu paarlakaajaallutik ivasarput, kingornalu piaraq paarlakaajaallutittaaq paarisarpaat, imminnut appaamullu nerisassarsiortaramik. Ivanerup nalaani appat uippallersarneqaraangamik manniit appaallu qimaannarsinnaasarpaat imaluunniit ulluliatik nakkaasoorsinnaasarpaat. Ilaatigullu mannilioqqissinnaasaraluarlutik kingusinnerusukkut tukertunik, taakkua uumaannarnissaat periarfissalunnerusarput ataatsikkorsuaq ullutik qimakkaangamikkit uumaannarnissaannut periarfissagissaarnerusarmat.

Pinngortitaleriffimmiit ph.d.-nngorniutigineqarluni misissuinerup takutippaa, appaqarfinni assigiinngitsuni seqqorpalunnerup qisuariarfigineqartarnera. Appaqarfiit akornanni kiisalu appaqarfimmi qisuariartarnerit misissorneqaramik. Seqqorpalummit qisuariarnerit 0,5km-ip 5 km-rillu akornanni ungasissusilimmit misissorneqarput. Misissuinerillu takutippaat appaqarfinni eqiteruffiulluartuni qisuariartarnerit siusinnerusartut, appaqarfinnit eqiteruffiunnginnerusuninngarnit.

video-mi seqqornerit 5 km angullugit ungasitsigigaluartut appat teqqaassutigisaraat takuneqarsinnaavoq.

Annerusumik paasisaaqarit uani

Mellemrum

Mellemrum

Appaqarfiit eqqaanni ileqqoreqqusat pillugit nalunaarusiaq uaniippoq 

Mellemrum

Mellemrum

Mellemrum

Mellemrum

Piniarneq

Upernaakkut aasakkullu appanniarnerit nunatsinni piaqqisartoqarneranut sunniuteqartaqaat. Piaqqiorfiup nalaani annikitsumilluunniit piniarneqarneri appaqarfinnut pingaartumik mianernartumik inissisimaffiusunut ikileriaataasarami.

Ukiakkut ukiukkullu appanniarnermi, appat piaraanerusut nunanillu allanit takkuttut pisaqarfiunerusarput. Ukiukkut appaqatigiiaat assigiinngitsuneersut, assigiinngitsunillu utoqqaassusillit akuliussimasarput, tassanilu appaat inersimasunit pisariuminarnerugamik pisarineqakkajunnerullutik.  Ukiakkut ukioqqaarneranilu appaat pisarineqarpata, tamanna appaqassutsimut iluaqutaanerussaaq. Piffissamimi tamatumani appaat allanik pissuteqarlutik toqukulanerupput, ukiukkullu piniarneqarunik suli ikilissutiginerussallugu.

Appat inerillutik piaqqiorsinnaalersimasut uumaannarnissaminnut periarfissagissaarnerusarput, ukiullu 30it sinnerlugit uumasinnaasarlutik. Appat piaqqisartut piniarnaveersaarneqartariaqarput, taakkuami appaqaannarnissaa qulakkeertarmassuk.