Kitaani raajaqassuseq pitsaanngilaq, pisassallu ikilisariaqarput Saqqummersinneqarfia 12.11.2008

Kitaani raajaqassuseq pitsaanngilaq, 2009-milu pisassat amerlanerpaamik 110.000 tonsiusariaqarput.

Raajat ikiliartornerat ukiuni qassiinngortuni biologinit malinnaaffigineqarsimasoq ukiuni tulliuttuni pisat ikilisinneqanngippata taamaaginnassanngatinneqarpoq. Taamaammat Kitaani 2009-mi raajartat 110.000 tonsinit amerlanerunnginnissaat biologinit siunnersuutigineqarpoq.

Raajat ikiliartornerat sutigut tamatigut takussutissaqarpoq. Aammattaaq raajaaqqat pisarineqarsinnaalersussat ikiliartornerat ilutigalugu raajat siam-marsimaffiat annikilliartorpoq. Raajarniarneq avannarparsimavoq imartallu annikinnerusut eqiteruffiulersimallutik. Taamaaliornikkut raajat ikiliga-luarmataluunniit pisarineqartartut (akunnermut pisarineqartartut) amerlajuar-nissaat anguneqarsimavoq.

Pisat 2008-mi katillutik 132.000 tonsiussangatinneqarput. 2009-mi pisassat 110.000 tonsinit ikinnerunissaat kaammattuutigineqarmat pisassat 20%-ingajannik ikilissapput.

2008-mi raajaqarfiulersimasut 1990-ikkut naajartorneranni siammarsimaffiisut ipput, taamanikkullu taamaallaat 100.000 tonsit pisarineqarput. Ullumikkut pisarineqartartut amerlaneroqimmata raajaqarfiit aalisarfigineqarnerujussuupput. Taamaammat siunissami qaninnermi raajat ikileriataarujussuarsinnaanerat aarleqqutigineqarpoq.

Tunumut siunnersuut allanngorani 12.400 tonsiuvoq. Tunu biologinit misissuiffigineqarsimangimmat siunnersuineq paasissutissanik aalisarnermit pissarsianik taamaallaat tunngaveqartinneqarpoq. Taamaammat siunnersuineq taanna nalor-ninartoqarneruvoq.

2009-mi siunnersuutit pillugit sukumiinerusunik paasisaqarusukkuit una iserfigiuk: Raajanik siunnersuineq 2009../ imaluunniit attavigiuk immikkoortortami pisortaq Helle Siegstad oqarasuaat: 36 12 00, e-mail hesi@natur.gl