Pinngortitaleriffiup allilernera aqagu nappaanersiorneqassaaq Saqqummersinneqarfia 08.09.2009

Pingasunngorneq 9. september nal. 16.00 Pinngortitaleriffiup allilerneqarnera nappaanersiorneqassaaq. Alliliinerup 820 kvm-iusup allaffiit nutaat ;25-t, toqqorsiviit, misissuiffiit laboratoriat il.il. nutaat imarissavai. Alliliineq september 2008-mi aallarnerneqarpoq, maannalu sanaartorneq sukkasuumik ingerlalluni. Sanaartukkap aasaq 2010-mi naammassineqarnissaa naatsorsuutigineqarpoq.

Aage V. Jensen Fonde-t 30 mio. kr. sinnerlugit sanaartornermut aningaasartuutinut atugassanik tunissuteqarsimavoq, ilassut KHR arkitektinit titartagaalluni, sanaartorneralu entreprenørfirmamit Permagreenimit isumagineqarluni. Firmat taakku Pinngortitaleriffiup, tikeraanullu iniutaanut sanaartornerani suleqataareerput.

’Suliffeqarfiup nutarternerani Kalaallit Nunaata nunat allat peqatigalugit suleqataasinnaanini annertuumik ingerlatilissavaa. Aamma paasissutissat ullutsinni siunissamilu pinngortitamut tunngatillugu suliassanut unammillernartunut atugassat isummannaarneqarsinnaalissapput´ oqarpoq pisortaq Klaus Nygaard.

´Avatangiisimut klimamullu tunngasut suliassat amerliartuinnartut alliliinissamik pisariaqartitsineq pilersissimavaat. Nunatsinni klimami pissutsit nunarsuarmut tamarmut sunniuteqartuupput, ukiunilu kingullerni Pinngortitaleriffik annertuumik nunanit allanit ilisimatuussutsikkut suleqatigiserineqalersimalluni. Taamatut soqutiginninneq kalaallit inuiaqatigiit iluaqutigisinnaaqaat, ilisimasallu katersat piginnaanerillu nutaat pinngortitamik ingerlatsinermi iluaqutigissallugit, klimap allanngornerata kingunerisaanut naleqqussaanermi´nangippoq Klaus Nygaard.