*Required
*Required
*Required
*Required
*Required
*Required
*Required
*Required
Send
Thank you for your application!
 

Ministeri Pinngortitaleriffimmut Silalu pillugu Ilisimatusarfimmut pulaartoq Saqqummersinneqarfia 12.08.2010

Ilisimatusarnermut teknologimut piorsaanermullu ministeri, Charlotte Sahl-Madsen (Danmark), aamma Kultureqarnermut, Ilinniartitaanermut, Ilisimatusarnermut Ilageeqarnermullu Naalakkersuisoq, Mimi Karlsen (Kalaallit Nunaat) Nuummi Pinngortitaleriffimmut Silalu pillugu Ilisimatusarfimmut pulaaqqammerput.

Ministeri Naalakkersuisorlu Pinngortitalerifimmi ilisimatusarnermik, aningaasaliisarnermik siammarterinermillu suliat pillugit ilisimatinneqarput. Pinngortitaleriffimmi Klaus Nygaard Pinngortitaleriffiup oqaluttuassartaanik, aaqqissuussaaneranik suliassaanillu oqaluttuaatigaluni takornariartitsereermat Sila pillugu Ilisimatusarfimmi qaammatini siullerni 16-ini suliani angusat pillugit Søren Rysgaard saqqummiussaqarpoq.

Sila pillugu Ilisimatusarfik Kalaallit Nunaanni Ilisimatuussutsikkut Misissuisarfiup, Pinngortitaleriffiup Ilimmarfiullu suleqatigiinnerisigut Danmarkimilu videnskab, teknologi og udvikling-imit aningaasaliiffigineqareerlutik pilersippaat. Manna tikillugu Sila pillugu Ilisimatusarfimmi suliarineqarsimasut aamma Danmarkimi, nunatsinni, Canadami nunanilu allani arlalinni ilisimatusartorpassuit ilisimatusarfiillu qanimut suleqatigiinnerat ministerip Naalakkersuisullu iluarisimaarutigisorujussuuaat.

Pinngortitaleriffimmi takornariareernerup kingorna ministeri Naalakkersuisorlu malitsitik peqatigalugit Kangerluarsunnguami tigoqqaavissatut pilersaarusiaq ”NuukBasis” aamma Sila pillugu Ilisimatusarfimmik suleqateqarneq pillugu sukumiinerusumik paasisaqarniarlutik ornippaat.

Ministeri Naalakkersuisorlu pilersaarusianut attuumassuteqartunik ilinniartunik aamma oqaloqateqarsinnaasimapput suliallu tikillugit sullivimmut pulaarsinnaasimallutik. Suliat tikillugit suliffigisaq piffissami misissuiffiusartumi matumani atoqqaartinneqaqqammerpoq taannalu Aage V. Jensenip Aningaasaateqarfianit aningaasaliiffigineqarsimavoq.

Nuup eqqaani Kangerluarsunnguami pilersaarusiami NuukBasis-imiinneq. Assiliisoq: Peter Bondo Christensen

NuukBasis-imi ilaatigut silaannarsuup Nunarsuattalu akornanni gassiliornerit uuttortarneqartarput. Assiliisoq: Peter Bondo Christensen

Biologip, Josephine Nymandip, ministeri Naalakkersuisorlu soqutiginneqisut pilersaarusiamik oqaluttuuppai. Assiliisoq: Peter Bondo Christensen