Aalisakkanik Tunisassiornermik Ilinniarfimmiunik (ATI) pulaartoqarneq Saqqummersinneqarfia 05.04.2011

Pinngortitaleriffik marsip ulluisa 23-ani aamma 24-ani Maniitsumi ATI-mit ilinniartitsisumit ataatsimit ilinniartunillu pingasunit pulaarneqarpoq.

Ulloq siulleq ATI-eermiut Nuup eqqannguani suliat tikillugit suliaqarfiusumut misissugassanik tigooqqaavimmut Marin Basis-imukarput tassanilu qaammammoortumik misissugassanik katerseqataallutik.

Pinngortitaleriffimmut uteramik laboratoriami tarajoq issingerlugu ATI-eerminut suliaritinneqarpoq kinnerillu planktorneqassusiannik, immap naasuinut inuussutissaqassusiannik, klorofyl-eqassusiannik, ammonium-eqassusiannik allarpassuarnillu akoqarnerannik misissoqqissaagassanik piareersaatinneqarlutik.

Unnuakkut sinilluareersimallutik ilinniartut Pinngortitaleriffimmut takkuteqqipput tassanilu sukkasuumik tigooqqavimmut Bio Basis-imut tunngatillugu Nuup kujataa´tungaani pinngortitap qanoq nakkutigineqarneranik ilisimatinneqarlutik.

Tamatuma kingorna Nuup Kangerluani Pinngortitaleriffimmiut qipoqqarnik ilisimatusarnerat pillugu oqalugiaammik naatsumik saqqummiiffigineqarput, tamatumalu kingorna ilinniartut namminneerlutik qipoqqaat assitaannik immikkoortitsiniarsaripput.

Pulaarneq naggaserlugu aalisagaqatigiinnik pisuussutinik aalisarnissamut atuinissamullu pisariaqartinneqartunik siunnersuisarnernik Pinngortitaleriffiup inissisimanera pillugu paasissutissinneqarput.
ilinniartut Pinngortitaleriffimmit qimagutinnginnerminni saarullinnik ullualunnguit matuma siorna Kapisillit eqqaani pisarineqarsimasunik suliarinneqqaarnermut ikiuupput.

Ilinniartut taratsumik laboratoriami misissugassamik katersisut/qalusut.

Tigooqqaavimmi Bio Basis-imi atortut Josep takutikkai.

Kapisillit eqqaani saarullittat nutaat suliareqqaarneqartut. (assit tamarmik Else Danielsenimit assilisaapput)