Kalaallit Nunaata imartaani immap pitsaassusianik nittartakkakkut malinnaaneq Saqqummersinneqarfia 16.10.2011
Silap Pissusianik Ilisimatusarfimmit oqartussaaffigineqarluni pilersaarusiami ”Kalaallit Nunaata imartaanik qaammataasatigut nakkutiginninnermi” qaammataasat iluaqutigalugit immap pitsaassusia ilaatigut nakkutigineqarpoq. ENVISAT-imi atortunit MERIS-init paasissutissat iluaqutigalugit immap qaavata killingata ilaata klorofyl-a-nik qanoq akoqartiginersoq paasineqartarpoq. Paasissutissat tamakku immap qaavata quajaatikoqassusianik aamma aappaluttukoqassusianik uuttortaanernut atorneqarsinnaapput. Qaammataasanit assilisat quajaatikuusinnaasut aamma aappaluttukuusinnaasut sumiiffinnut assigiinngitsunut siammarsimanerannik paasinninnissamut atussallugit pitsaasorujussuupput.
Kalaallit Nunaata imartaani sumiiffinni assigiinngitsuni aasap ingerlanerani pingasoriarluni qaammataasanit assiliisoqartarnerini tamani immap klorofyl-a-nik akoqassusia paasineqartarpoq. Nuup Kangerluani, asseq 1 takuuk, Qeqertarsuup Tunuani, asseq 2 takuuk aamma Young Sundimi, asseq 3 takuuk. Aasap ingerlanerani assilisat pingasut sumiiffinnit assigiinngitsuneersut uani takuneqarsinnaapput. Taakku Kalaallit Nunaata eqqaani, Nuup eqqaani, Qeqertarsuup eqqaani aamma Daneborgip eqqaani assilisaniipput.
Sumiiffinni tamani qaammammi pineqartumi qaammammi agguaqatigiissillugu klorofyl-a-nik akoqaassuseq naatsorsorneqartarpoq. Tamakku uani titartaganngorlugit takutinneqarput. Assilisami 4-mi Qeqertarsuup Tunuani juulip qaammataani agguaqatigiissitsineq takuneqarsinnaavoq.
Immap qaava qummut qanilliartortillugu ikileriaatit amerlineqarnerat (kd490) aamma quajaatikut aappaluttukullu suujunnarsinneqarsimasut tamarmiusut (TSM) paasissutissartaat titartaganngorlugit nittartakkakkut aamma takutinneqartalissapput.
Assilisaq 2 2011-mi juulip ulluisa aappaani Qeqertarsuup Tunuani immap qaavata killingani klorofyl-a-nik akoqassuseq.
Assilisaq 3 2011-mi juulip ulluisa 13-ani Young Sundimi immap qaavata killingani klorofyl-a-nik akoqassuseq.
Assilisaq 4 Qeqertarsuup Tunuani juulip qaammataani klorofyl-a-nik akoqassuseq.
