*Required
*Required
*Required
*Required
*Required
*Required
*Required
*Required
Send
Thank you for your application!
 

Baffin Bugtimi avataani qalerallit amerlanerulerput

Nunatta kitaani aalisakkanut assigiinngitsunut tunngatillugu biologit siunnersuinitik nutarteqqammerpaat.

Baffin Bugtimi avataani 2014-imi qaleralittassiissutigineqarsinnaasutut innersuussut malunnaatilimmik allannguuteqartinneqarpoq, tassami pisassiissutigineqarsinnaasut 3.000 tonsinik qaffanneqarsinnaasutut isummerfigineqarmata. Taamaalilluni siunnersuineq 13.000 tonsiniit 16.000 tonsinut qaffanneqarpoq. Tamatumunnga peqqutaavoq taavani qaleraleqarnerulersimanera aammalu kalinnermi ataatsimi qaleralittarineqartartut, tassa biologit misissuisarnerini aammalu aalisarnermi pisaasartut, amerlatsikkiartormata.

Sumiiffinni allani, tassa Davis Strædemi avataani aammalu sinerissap qanittuini Qeqertarsuup Tunuata, Uummannap Upernaviullu imartaanni qaleralittassiissutigineqarsinnaasutut innersuussutit allannguuteqartinneqanngillat:

Davis Strædet avataani 2014: 14.000 tons

Qeqertarsuup Tunua sinerissap qanittuani 2014: 8.000 tons

Uummannaq sinerissap qanittuani 2014: 6.000 tons

Upernavik sinerissap qanittuani 2014: 6.300 tons

Sinerissap qanittuini qaleralittassiissutigineqarsinnaasutut qulaani allaqqasut qummut killissarititatut innersuussutaapput.

Qeqertarsuup Tunuani sinerissap qanittuini qaleralinniarneq siuariartorfiusutut isikkoqanngilaq. Aasaanerani ukiuuneranilu (2012 eqqaassanngikkaanni) 2001-imiilli qaleralittarineqartartut milliartuinnavissimapput. Tamaani ima qaleralinniartoqartigaaq isumaqarnarsilluni allaat maanna qaleralittarineqartartut tassaasut qalerallit takkussuuttut nutaat (tassa suli peruinneqanngitsut).

Akerlianili Uummannap eqqaani pissutsit aalaakkaaneruleriartortutut isikkoqarput. Agguaqatigiissillugu takissusiisa 2004-miit 2009-p tungaanut milliartorsimanerat unissimavoq, kisiannili 2012-imiit qassutini ataatsini pisaasartut ikiliartulersimapput.

Upernavimmili qassutini ataatsini pisaasartut 2011-p tungaanut ikiliartorsimanerat unissimavoq, pisaasartullu agguaqatigiissillugu takissusiat 1999-imiilli aalaakkaasimavoq. Kisiannili 2010-p 2011-llu aasaanerini aalisarnerni pisaasartut agguaqatigiissillugu takissusiat millerialaarsimapput.

Nunatta kitaata imartaani aalisakkanut allanut tunngatillugu 2014-imut siunnersuinerit allannguuteqanngillat, tassalu ukiuni tulliuttuni aalisarneqartariaqanngikkaluartut. Matumani aalisakkat pineqartut tassaapput: oquuttat, qeeqqat, tupissutit, kapisillit suluppaakkallu natersiortut.

Aalisakkanut assigiinngitsunut tunngatillugu NAFO-p 2014-imut siunnersuinera uaniippoq.

Itinerusumik paasisaqarusunnermi saaffigisassaq:

Aalisakkanut Qalerualinnullu Immikkoortortami pisortaagallartoq AnnDorte Burmeister oqarasuaat 361200.