*Required
*Required
*Required
*Required
*Required
*Required
*Required
*Required
Send
Thank you for your application!
 

Ilisimatusarneq avatangiiseraara Saqqummersinneqarfia 31.01.2022

Nunarput taamakkerlugu assilisanik unammisitsineq!

 

Ilisimatusarnermut tunngasunik avatangiiseqaraluarluta, ilisimatusarnerullu inuunerput ilusilersortuaraluaraa, taamaattussaannartut isigilersoortarparput. Ilisimatusarnerup inuunitsinni atukkatsigut, kulturikkut inooriaatsitsinnullu – qangali maannamut sunniuteqartarnerata qujamasuutiginissaa pingaaruteqarpoq. Unammisitsinermilu uani ilisimatusarnermut tunngassuteqarsinnaasumut avatangiisitsinniittunut attuumassuteqartumik assilisassinnik unammisikkusuppatsigit. Assilisassi oqaasertalilaarneqarsimasut tigunissaannut qilanaarpugut!

 

Malittarisassat:

  • Asseq digitaleq Kalaallit Nunaanni assilineqarsimassaaq, oqaaseqatigiit ataatsit takinerpaaffigalugit pingasut atorlugit oqaasertaligaassalluni ”Ilisimatusarneq avatangiiseraara”-mut attuumassutaa naatsumik nassuiaatitalerlugu, (kalaallisut, qallunaatut tuluttulluunniit) uunga nassiussavat info@natur.gl. Atit, ukiutit, najukkallu allassavatit.
  • Nunatsinni najugaqartut tamarmik unammisitsinermut peqataasinnaapput.
  • Peqataasup asseq ataasiinnaq nassiuteqqusaavaa.
  • 30. april 2022 tungaanut unamminermut ilannguttoqarsinnaassaaq.
  • Ajugaasup assilisaa, isikkumigut, misigissutsikkut naleqartinneratigut immikkuullarittuunermigullu siunertamut attuumassuteqassaaq.
  • Unammineq sisamanut agguataarneqarpoq: meeqqanut 12-it inorlugit ukiulinnut; inuusuttunut 12-18 ukiulinnut; inersimasunut 18-60 ukiulinnut; inersimasunullu 60-it qaangerlugit ukiulinnut.
  • Assit immikkoortuni taakkunani ajugaasut oqaasertalerneqarsimasullu Pisiffik-miit pisissutissanik pissarsissapput (nalingi 250 kr.-niit 750 kr.-nut).
  • Assit ajugaasut Nuup katersugaasiviani piffissami aalajangersimasumi saqqummersinneqassapput, kingornalu tamanik iserfigineqarsinnaasuni (atuarfinni, café-ni il.il.) ajugaasup najugaani saqqummersinneqassallutik.

 

Aningaasaliisut: